ڈیووس (22 جنوری 2026) عالمی اقتصادی فورم کے سائیڈ لائنز میں غزہ پیس بورڈ کے چارٹر پر دستخط کی تقریب کے دوران امریکی صدر ڈونلڈ ٹرمپ نے فیلڈ مارشل سید عاصم منیر کی طرف خصوصی طور پر اشارہ کرتے ہوئے مسکراہٹ کے ساتھ خیرمقدم کیا۔ تقریب میں وزیراعظم محمد شہباز شریف اور فیلڈ مارشل عاصم منیر دونوں موجود تھے، جہاں پاکستان کی سیاسی اور عسکری قیادت عالمی رہنماؤں کی توجہ کا مرکز بن گئی۔
سوشل میڈیا پر وائرل ہونے والی ویڈیو میں دیکھا جا سکتا ہے کہ ٹرمپ نے گفتگو کے دوران فیلڈ مارشل کی طرف دیکھتے ہوئے مسکراتے ہوئے ان کا خیرمقدم کیا، جسے شائقین نے پاکستان کی عسکری قیادت کے لیے امریکی صدر کا مثبت اشارہ قرار دیا ہے۔ یہ لمحہ پاکستان کی عالمی سطح پر بڑھتی اہمیت اور غزہ امن منصوبے میں پاکستان کے کردار کی عکاسی کر رہا ہے۔
وزیراعظم شہباز شریف نے تقریب کے بعد کہا کہ پاکستان غزہ میں امن و سلامتی کے قیام کے لیے عالمی کوششوں میں بھرپور حصہ لے گا، اور یہ بورڈ فلسطین مسئلہ کے پائیدار حل کی طرف اہم قدم ہے۔
یہ ویڈیو تیزی سے وائرل ہو رہی ہے اور سوشل میڈیا پر پاکستان کی قیادت کی عالمی سطح پر پذیرائی کا باعث بن رہی ہے
