تصویر: UrduPoint.com
وزیراعظم شہباز شریف کی ہدایت پر سینیٹر انوشہ رحمان نے 27ویں آئینی ترمیم میں وزیراعظم کو استثنیٰ دینے والی شق سینیٹ سے واپس لے لی، جو کابینہ سے منظور شدہ مسودے میں شامل نہیں تھی۔ شہباز شریف نے بیان میں کہا کہ “منتخب وزیراعظم قانون اور عوام کی عدالت میں جوابدہ ہے، سینیٹرز کے خلوص کا شکریہ مگر یہ شق فوراً واپس لی جائے”۔ تاہم صدر کے تاحیات استثنیٰ کا معاملہ ابھی زیر غور ہے۔
مشترکہ پارلیمانی کمیٹی شق بہ شق غور کر رہی ہے، کل سینیٹ میں رپورٹ پیش ہوگی اور اسی دن منظوری کا امکان ہے۔ سینیٹ قانون کمیٹی چیئرمین فاروق ایچ نائیک نے کہا کہ بل کو شام پانچ بجے تک حتمی شکل دی جائے گی، تمام جماعتوں کی آراء لی جا رہی ہیں، فیصلہ اکثریتی رائے سے ہوگا۔ جے یو آئی ف نے گزشتہ روز بائیکاٹ کیا، مگر حکومت اتحادیوں سے مشاورت تیز کر رہی ہے۔
